Անվանումը՝ Մարզական ստուգատես
Օրը՝ հունվարի 8-28
Վայրը՝« Մխիթար Սեբաստացի» կրթահամալիրի մայր դպրոց
Մասնակիցներ՝ նախակրթարանի սաներ, ծնողներ, դաստիարակներ։
Նպատակը՝
Մարզական ստուգատես նախագծերի իրականացում, սաների կարողությունների ներկայացում։
Խնդիրները՝
- Ինքնագլորներով երթ
- Ուրախ մարմնամարզություն
- Գլուխկոնծիների շքերթ
- Թռիչք, վազք, ցատկ, բարձունքի հաղթահարում
- Գնդակախաղ, օղակախաղ
Խաղ 1
Խաղ՝ «Լսիր ազդանշանը»
Խաղացողների քանակը՝ 15-20 երեխա
Վայրը ՝բակ, դահլիճ,
Ուշադրության, հիշողության զարգացում, կենտրոնացում
Սաները շարվում են և դաստիարակի հրահանգով սկսում են ինքնագլոր վարել: Դաստիարակը ժամանակ առ ժամանակ տալիս է հանկարծակի ազդանշաններ (սուլիչ,ծափ և այլն), խաղացողները պետք է համապատասխան ազդանշանի տակ կատարեն նախօրոք պայմանավորված վարժություն կամ շարժումներ:Օրինակ՝ մեկ ազդանշանի տակ կանգ առնել, երկու ազդանշանի տակ ինքնագլորը դանդաղ վարել,երրորդին էլ` արագ վարել:
Հաղթում է այն խաղացողը, ով բոլորովին չի սխալվել:
Խաղի կանոնները
1.Ազդանշանի դեպքում անմիջապես պետք է կատարել պայմանավորված վարժությունը:
2. Վարժությունը ուշ կատարելը համարվում է սխալ:
3. Սխալվողները կանգնում են շարքի վերջում և շարունակում ինքնագլոր վարելը:
Խաղ 2
Խաղ՝ <<Սողանցիր և ինքնագլոր վարիր>>
Խաղացողների քանակը՝ 20-25 սան
Գույք՝ Մարմնամարզական նստարան, ինքնագլոր, բուլավա
Վայրը՝ Մարզադահլիճ
Ճկունություն, հավասարակշռություն, տարածության մեջ կողմնորոշվելու կարողություն
Խաղացողները բաժանվում են երկու հավասար խմբի և շարվում են մեկնարկային գծի վրա:
Խմբերի առջև 5-7 մետր հեռավորության վրա դրվում են մարմնամարզական նստարան, մեկ ինքնագլոր, բուլավաներ : Խմբերի առաջ կանգնած խաղացողները վազքով մոտենում են մարզանստարանին, սողանցում, ինքնագլորով բուլավաների միջով անցնում , ինքնագլորը թողնում մարզանստարանի վերջում և վազելով գալիս է ձեռքով խփում հաջորդ մասնակցի ձեռքին, կանգնում վերջում:
Ընթացքը՝
Ստուգատեսը կներկայացնենք մարզասրահում և բակում։ Կներկայացնենք տեսանյութի, ֆոտոշարքի և պատումի տեսքով։
Ամփոփումը՝ տե՛ս այստեղ
Արևիկ Ուզունյան 