Մայիսյան 19-րդ հավաքի ուղեցույց
Մայիսի 1-24-ը կրթահամալիրի նախակրթարաններում, դպրոցներում, Քոլեջում, ուսումնական կենտրոններում, մանկավարժական լաբորատորիաներում բաց ստուգատես է՝ «Նորարարական մանկավարժության ծրագրերի իրականացում հանրակրթությունում» ծրագրի 2024 թ. աշխատանքներով, կրթահամալիրի ուսումնական օրացույցով:
Մասնակիցները՝ մանկավարժական աշխատողներ, սաներ, ծնողներ։
Տևողությունը՝ մայիսի 1-24-ը
Աշխատանքային նախագծեր՝
Հեծանվավարություն ծնողական համայնքի հետ
Կրթահամալիրի դռները միշտ բաց են ծնողների առջև, համագործակցությունը ծնունդ է տալիս հետաքրքիր նախագծերի, սաները ոգևորվում են՝ տեսնելով, թե ինչպես են իրենց մայրիկները դառնում առօրյայի մասնակիցը: Նման նախագծերը հնարավորություն են տալիս նաև ծնողներին՝ կտրվելով առօրյա հոգսերից և դառնալով փոքրիկ սեբաստացիներ իրենց ներդրումն ունենալ կրթահամալիրի կարևոր գործում՝ կրթելու, սովորելու, սովորեցնելու…
Երբ ընտանեկան խոհանոցը մտնում է պարտեզ
Այսպիսի նախագծերը հնարավորություն են տալիս, որպեսզի ծանոթանանք սաների ընտանեկան, ավանդական խոհանոցին։
Սաները շատ են սիրում Ագարակ գնալ, կերակրել կենդանիներին, խնամել, շրջապատը մաքրել և իհարկե, ձիավարել: Ձիավարության մասին սաները պատմում են տանը, շրջապատում, բոլորը զարմանում են, որովհետև նման հնարավորություն տվել է միայն կրթահամալիրը: Իսկ ծնողներին մնում է օգտվել այդ հնարավորությունից և մասնակցել։
Հեքիաթասաց մայրիկը կկարդա Ջ. Ռոդարի «Թափթփված Ջիովանին»։ Այնուհետև կքննարկենք հեքիաթը և կթխենք մարդուկ թխվածքաբլիթներ։
Ծեսն իրագործվում է Համբարձման նախորդ՝ չորեքշաբթի և հաջորդ՝ հինգշաբթի օրերին: Ծեսից առաջ կիրականացնենք նախապատրաստական աշխատանքներ: Նախապես կպատրաստենք ազգային քաղցրահամ ուտեստներ։ Կպատրաստենք Վիճակի տիկնիկը և տարբեր ծաղիկներով կհյուսենք պսակներ։