Այսպիսի խաղերը նպաստում են զարգացնելու սաների պատկերային մտածողությունը, մարզելու հիշողությունը, արագ կողմնորոշվելու և կենտրոնանալու կարողությունները։ Նմանատիպ խաղերի օգնությամբ նաև զարգանում է սաների տեսողական հիշողությունը, որն էլ նպաստում է պատկերային հիշողության զարգացմանը, տեղերը մտապահելու և նույն առարկան գտնելու կարողությունը։
Աշունը տարվա եղանակներից ամենագեղեցիկն ու գրավիչն է։ Առավոտյան զբոսնելիս վայելեցինք աշնանային արևը, գույները և մաքուր օդը։ Այնուհետև սաները ջրեցին ծառերը, խնամեցին բակը, հավաքեցին թափված տերևները, խաղացին և լավ զվարճացան։
Այսօր իրականացրեցինք թթուդրիկի ծես։ Նախապես սաների հետ զրուցեցինք բանջարեղենի օգտակար հատկությունների մասին։ Այնուհետև լվացինք և մաքրեցինք։ Ուրախ երգով, սոխ ու սխտոր ծեծելով` բանջարեղենը տեղավորեցինք տարայի մեջ։ Շուտով մեր թթուն պատրաստ կլինի և կհամտեսենք։
Թթուդրիկի ծեսին ընդառաջ սաները ընկեր Զառայի օգնությամբ պատրաստեցին կավե բանջարեղեն։Ոգևորված աշխատեցին և հեքիաթ հորինեցին։ Ինչպես գիտենք այսպիսի աշխատանքները մանր մոտորիկայի զարգացման լավագույն միջոցներից մեկն է։
Արևիկ Ուզունյան 