Հոկտեմբեր ամիսը սկսեցինք ծիսական երգ ու պարով, ազգային խաղերով։ Կոմիտասյան երգերի ներքո իրականացրեցինք հետաքրքիր գործունեություններ։ Այնուհետև իրականացրեցինք «Խաղողածեսը» և «Լավաշթխիկը»։
Շաբաթն ամփոփեցինք լավաշթխիկի ծեսով։ Շաբաթ օրը վաղ առավոտյան ագարակը լցվեց սաների և ծնողների ուրախ երգ ու պարով։ Այնուհետև թխեցինք և համտեսեցինք թոնրի լավաշը։ Իսկ ծեսից հետո սաները իրենց ծնողների հետ խնամեցին և կերակրեցին ագարակի կենդանիներին։
Կոմիտասյան օրեր նախակրթարանում
Շատ կարևոր է ճաշակի ձևավորումն ու զարգացումը դեռ մանկության տարիքից։ Կրթահամալիրն այդ տարիքից սաների մեջ սերմանում է բարձր երաժշտական ճաշակ, այն է` կոմիտասյան երաժշտությունը։ Կոմիտասյան օրեր են։
Այս անգամ կներկայացնեմ մեր նոր սեբաստացի Արմենին։ Արմենը մեր խմբի Ալեքի փոքր եղբայրն է։ Նա շատ խելացի, կազմակերպված և ինքնուրույն սեբաստացի է։ Արմենը սիրով է հաճախում պարտեզ՝ առաջին օրվանից։ Սիրում է խաղալ և ինքնուրույն ուտել։
Բարի լույս, պայծառ արև։
Բարի լույսն սկսեցինք բակում` զրուցելով արևի մասին։ Այնուհետև սաների ամենասիրելի երգը վայելեցինք և գունավոր թղթերից պատրաստեցինք շողացող արև։
Արևիկ Ուզունյան 