Առավոտյան ուրախ տրամադրություն, գունառատ հանդերձանք, ծնողներով ու սաներով լեփ-լեցուն խմբասենյակ. ի՞նչ է սա։ Դե իհարկե ամանորյա ծես է կրթահամալիրում։ Աշխույժ երգ ու պար էր, որին մեծ սիրով մասնակցում էին ծնողները։ Ճիշտ է, սաները սիրում են այդ ամենը, բայց իրենց ամենասպասված պահը Ձմեռ պապիկի գալուստն էր։ Անհամբեր սպասում էին իրենց նվերներին։
Ամանորի ծեսին ընդառաջ։
Ամանորյա ծիսական պարագաներից է չարխափանը (չարը՝ չարիքը խափանող, չարիքի առաջն առնող)։ Միասին ընկույզներով պատրաստեցինք։ Քանի որ սաներն ընկույզ շատ են սիրում, կեղևը առանձնացրինք միջուկից, միջուկը կերան, իսկ կեղևներից պատրաստեցինք գեղեցիկ չարխափան։
Էրիկը սիրում է ներկայացնել, պատմել, թե ինչով է զբաղվում, ինչ հետաքրքրություններ ունի: Սիրում է գնումներ կատարել (օրինակ՝ «Թթուդրիկ» ծեսի համար), սիրում է ճամփորդել, պատմել, թե ինչ արկածներ է ունեցել ճամփորդության ընթացքում, սիրում է մարզվել և իր ընկերներին սովորեցնել պարային շարժումներ: Սիրով է համասնակցում տարբեր գործունեություններին:
Ամանորը սաների ամենասիրելի ու սպասված տոնն է։ Նրանք անհամբեր սպասում են Ձմեռ պապիկին։ Սաները մեծ ոգևորությամբ պատմեցին, թե ինչ նվեր են ուզում, որ Ձմեռ պապը բերի իրենց համար։
Արևիկ Ուզունյան 