Տեսողական, լսողական զգայարանների զարգացում
Աշուն է, տերևաթափ, դեղնած տերևները օրորվելով թափվում են ցած։ Այսօր շրջեցինք պարտեզի բակով, հավաքեցինք ծառերի տակի թափված գույնզգույն տերևները։ Այնուհետև սաները սոսնձեցին թղթին։ Նրանցից յուրաքանչյուրը, իր պատկերացմամբ, ստեղծեց գեղեցիկ պատկերներ` առյուծ, կրիա, թռչուն, ծիծաղելի մարդուկ և շատ ուրիշ կերպարներ։
Մեր կրթահամալիրն աչքի է ընկնում ավանդական ծեսերի պահպանումով։ Այսօր իրականացրեցինք թթուդրիկի ծես։ Նախապես սաների հետ զրուցեցինք բանջարեղենների օգտակար հատկությունների մասին, այնուհետև լվացինք, մաքրեցինք դրանք։ Ուրախ երգով, սոխ ու սխտոր ծեծելով` բանջարեղենները տեղավորեցինք տարայի մեջ։ Շուտով մեր թթուն պատրաստ կլինի և կհամտեսենք։
Աշունը տարվա եղանակներից ամենագեղեցիկն ու գրավիչն է։ Առավոտյան զբոսնելիս վայելեցինք աշնանային արևը, գույները և մաքուր օդը։ Թափված տերևները հավաքեցինք, խաղացինք և լավ զվարճացանք։
Աշխատել ենք զույգով՝
Դաստիարակներ՝ Արևիկ Ուզունյան և Աննա Հայրոյան։
Մարզական — Արև Ուզունյան
Պարի սեմինար — Աննա Հայրոյան
Արևիկ Ուզունյան 