Սաների ամենասիրելի աշխատանքներից մեկը խոհանոցային գործունեությունն է։ Ամեն տոնից առաջ պատմում ենք խորհուրդը, զրուցում նշանակության մասին։ Սովորողներն իմանում են տոնի գլխավոր ուտեստի մասին։ Իրենց ձեռքերով պատրաստածը սիրով և հավեսով են համտեսում։ Իմ դիտարկման արդյունքում պարզեցի` այն ինչ երեխան տեսնում է, շոշափում է, բացահայտում է, համտեսում և հյուրասիրում է, այդպիսի աշխատանքներին մեծ ոգևորությամբ է մասնակցում։ Նաև իր տեսածի մասին պատմում է ընտանիքի անդամներին։
Ցավոք, վաղուց մեր արմատներից հեռանում են սերունդները: Հայ ընտանիքներում մոռացվում են ազգային ծեսերն ու ավանդույթները: Կարևորելով ազգայինը, նախակրթարանն ու դպրոցը լայն հնարավորություն են ընձեռում յուրաքանչյուր սանին, այս ամենը յուրացնելով, նորից վերհիշել և ամրապնդել՝ դարձնելով շարունակական ծես, որին կմիանան ընտանիքի բոլոր անդամներն ու հյուրեը:
Ինչ պատրաստում ենք խմբում, նաև փորձում են տանը։ Այո, այո, չզարմանաք` ազգային ծիսական առողջ ուտեստները տանում են նաև ընտանիք։
Համեցեք մեր խոհանոց և համոզվեք, թե ինչ համեղ ազգային ուտեստներ ենք պատրաստում։
Նպատակը
- ազգային մշակույթի յուրացում, փոխանցում, տարածում
Խնդիրներ
- նախագծի ընտրություն, թեմատիկ ուսումնական նյութերի ուսումնասիրություն, հետազոտություն, հավաքագրում, ներկայացում
- ազգային մշակութային արժեքների տարածում, ընդլայնում
- կրթահամալիրի ուսումնական օրացույցից ելնելով` գործուն, երկարաժամկետ, շուրջտարյա, համագործակցային, ուսումնական, հեղինակային նախագծերի իրականացում
Շարունակել կարդալ “Ազգային խաղերն ու ուտեստները նախակրթարանում”
Արևիկ Ուզունյան 