Այց ագարակ

Այսօր սաների հետ կրկին այցելեցինք  ագարակ։ Ամեն անգամ այցելելիս դատարկաձեռն չենք գնում:  Վերցնում ենք բանջարեղեն, խնձոր  և հաց, որպեսզի կերակրենք և՛ կենդանիներին, և՛ թռչուններին: Սաները շատ են սիրում  մեր յուրօրինակ ագարակը։

Շնորհավոր, Նարեկ ջան

Այսօր էլ նշեցինք մեր խելոք, խելացի Նարեկի ծնունդը։ Երգեցինք, պարեցինք և գովեցինք մեր Նարեկին։ Այնուհետև կազմակերպեցինք քաղցր հյուրասիրություն։ Հավես, հագեցած և քաղցր օր էր։

Ձու փչոցի, դատարկոցի

Զատկի ծեսին ընդառաջ սաների հետ  ձուն դատարկեցինք, հետո լվացինք և դրեցինք պատուհանագոգին, որ չորանա։ Այնուհետև ներկեցինք, որպեսզի զարդարենք ծիսական ծառի ճյուղերը։

Ապրիլ ամսվա աշխատանքային նախագիծ

Նախակրթարանի օրացույց

Ապրիլ

• Նախակրթարանի բակ—պարտեզը  խնամված է, կոկիկ՝ պտղատու ծառերով, գեղեցիկ բույսերով, խնամված խոտածածկ տարածքով: Սաները, սովորողը մասնակից է պարտեզի խնամքի աշխատանքներին: Մեկանգամյա օգտագործման ձեռնոցները և աղբի տոպրակները բակում միշտ ձեռքի տակ են: Դա մշակույթ է, որ ձևավորվում է վաղ մանկությունից, երբ երեխան ինքն է մաքրում, խնամում, մշակում այդ միջավայրը՝ մեծի ու փոքրի հետ, ուսումնասիրում է, ճանաչում: Բացօթյա կրթական միջավայրն ունի առանց ցանկապատերի, բաց, կանաչ լանջեր, ոռոգման և խմելու ջրի համակարգ։  Ամեն տարի իրականացվող գարնանային և աշնանային ծառատունկերին սաները ծնողների հետ մասնակից են դառնում որևէ օղակի, հատվածի ստեղծմանը՝ վարդենիների պուրակ, բալենու այգու հիմնում: Կարևոր է նրանց անմիջական շփումը հողի հետ, երբ հայրիկի կամ մայրիկի հետ փխրեցնում են հողը, փոս փորում, տնկում միասին ընտրած տնկին, ջրում: Բակային աշխատանքների համար ունենք սաների չափսերին համապատասխան գյուղատնտեսական գործիքներ` փոքրիկ բահեր, փոցխեր, փխրիչներ, թաղարներ, մաղեր, տարբեր չափի տարաներ, ցնցուղ, թաթավոր կշեռքներ, խոշորոցույցներ և այլ պարագաներ: Երեխաները գարնան սկզբից մինչև ուշ աշուն լինում են բակում և տարաբնույթ աշխատանքների միջոցով ճանաչում բնությունը:

Օղակախաղեր

Մարզական խաղերը մեր առօրիայի մի մասն են կազմում։ Ամեն օր դրանք տարաբնույթ են՝ մի օր գնդակախաղ, մյուս օրը պարանախաղ, գլուխկոնծի։ Այսօր էլ խաղացինք հետաքրքիր օղակախաղեր։ Այսպիսի խաղերի միջոցով զարգանում է սաների ուշադրության կենտրոնացումը և արագաշարժությունը։

Ձոն տեխնոլոգիական տոնավաճառ

Ապրիլի 6՝ 13։40, Մեդիակենտրոն՝ Սեբաստացի կենտրոն /լրացվում է/

Պատասխանատու՝ Արևմտյան դպրոց

Մասնակիցներ՝ սովորողներ, դասավանդողներ, ծնողներ, հյուրեր

Ցուցադրություն-վաճառք

Ճաշացանկ՝ 27.03-31.03

27.03

Նախաճաշ ՝ալադի,թեյ,պանիր,հաց,միրգ

Ճաշ՝ կչծքամսով խճողակ,հնդկաձավարով փլավ,հաց,պանիր,մածուն

Հետճաշիկ ՝ պյուրե,պանիր,հաց։

Մարտ ամսվա ամփոփում

Մարտը իր խենթ ու խելառ օրերով շարունակում է զարմացնել մեզ, մենք էլ հարմար պահը բաց չենք թողնում խենթանալու և խաղերի հրճվանքը խնամված բակում վայելու համար։

«Մարզական մայրիկների ձոնը» ստուգատես

Շաբաթն ամփոփեցինք մարզական խաղերով։ Մարզատոնը սկսված է։ Մեծերով ու փոքրերով, հավեսով և սիրով, մարզադահլիճում ընկեր Մադլենի օգնությամբ իրականացրեցինք գլուխկոնծիների շքերթ և մի շարք մարզական խաղեր խաղացինք։

Միջինքի գաթա

Սաների հետ պատրաստեցինք գաթա։ Բոլորն էլ մասնակցեցին ողջ ընթացքին։ Նրանք խառնեցին բաղադրիչները, մետաղադրամը դրեցին մեջը և տեղափոխեցին ջեռոցը, որպեսզի կարմրի` թխվի։ Գաթան թխելուց հետո կտրեցինք, սաները համտեսեցին և անհամբեր սպասում էին, թե ում կհասնի մետաղադրամը: Մետաղադրամը այս տարի հասավ Աստղիկին:

Միջինքի գաթա

Մեծ Պահքի 24-րդ օրը կոչվում է Միջինք, դա նշանակում է, որ Մեծ պահքը հասել է իր կեսին: Միջինքի օրը գաթա են պատրաստում, որի մեջ մետաղադրամ են դնում։ Ում բաժին է հասնում մետաղադրամը, հաջողություն է բերում ողջ տարին:

Սաների հետ պատրաստեցինք գաթա։ Բոլորն էլ մասնակցեցին ողջ ընթացքին։ Նրանք խառնեցին բաղադրիչները, մետաղադրամը դրեցին մեջը և տեղափոխեցին ջեռոցը, որպեսզի կարմրի` թխվի։ Գաթան թխելուց հետո կտրեցինք, սաները համտեսեցին և անհամբեր սպասում էին, թե ում կհասնի մետաղադրամը: Մետաղադրամը այս տարի հասավ Աստղիկին:

Ճաշացանկ 20.03-24.03